ဆံသားလေးတွေ ထူထဲနေအောင် စားသင့်တဲ့အစားအစာများ

 ဆံသားလေးတွေ ထူထဲနေအောင် စားသင့်တဲ့အစားအစာများ

ဆံသားများဆုံးရှုံးခြင်းက Alopecia လို့ခေါ်ပြီး စိတ်ပူူပန်ခြင်းစတဲ့ အခြေအနေတွေကို ဖြစ်စေနိုင်ပါတယ်။ ဆံသားများ ကျွတ်လာခြင်းက ဟော်မုန်းများပြောင်းလဲလာခြင်း၊ ဆေးကုသမှုပိုင်းဆိုင်ရာများ၊ စိတ်ဖိစီးခြင်း (သို့) အာဟာရဓာတ်ပိုင်းဆိုင်ရာများ ချို့တဲ့ခြင်းတို့ကြောင့်် ဖြစ်လာနိုင်ပါတယ်။ ကျွမ်းကျင်သူများက အင်တီအောက်စီဒင့်ဓာတ် ရှိတဲ့ အစားအသောက်တွေကို စားပေးတဲ့ လူတွေက ဆံသားအတွင်းပိုင်းထိ သန်စွမ်းစေခြင်း၊ သံဓာတ်ပြည့်ဝတဲ့ အစားအသောက်တွေက သွေးနီဥဆဲလ်များအတွက် အားကောင်းစေခြင်း နဲ့ပရိုတင်းပြည့်ဝတဲ့အစားအသောက်တွေက ဆံသားကို သန်မာစေပါတယ်။

ဘာတွေဖြစ်မလဲဆိုတာ ကြည့်လိုက်ရအောင်နော်......

ထောပတ်သီး

ဗီတာမင် E ကြွယ်ဝတဲ့ ထောပတ်သီးက အောက်စီဂျင်ကိုကောင်းစွာ ရရှိစေပြီး ကျန်းမာတဲ့ဆံသားလေးတွေ ထွက်လာဖို့အတွက် ဦးရေပြားကို ကောင်းကောင်းလည်ပတ်အောင် ကူညီထောက်ပ့ံပေးပါတယ်။
အာဟာရဓာတ် - ပိုတက်စီယမ်၊ ဖောလစ်အက်စစ်၊ ဗီတာမင် E၊ ဗီတာမင် B ၊အိုမီဂါ-၉
တစ်ပတ်မှာ အလယ်လတ် ထောပတ်သီးတစ်လုံးကို ၂ကြိမ်ကနေ ၄ကြိမ်ထိစားပေးပါ။

သရက်သီး

အရောင်စုံတဲ့ သစ်သိးတွေက ဆံသားကိုကျန်းမာသန်စွမ်းစေပြီး ပြန်ပေါက်လာဖို၊ ရှည်လာဖို့အတွက်ကိုလည်း အားပေးပါတယ်။
အာဟာရဓာတ်- Silica ၊ ဗီတာမင် A, ဗီတာမင် B6, ဗီတာမင် C, ဖောလိတ်
သရက်သီး တစ်လုံးကို သရေစာအနေနဲ့ (သို့) အစာစားပြီးချိန်တွင် မကြာခဏသုံးဆောင်ပေးပါ။

ကြက်ဥ



ပရိုတင်းပြည့်ဝနေတဲ့ ကြက်ဥကိုစားပေးတာကြောင့် ကိုလိုဂျင် (Collagen)ထုတ်လုပ်မှုကို မြင့်တင်ပေးပါတယ်။ ကိုလိုဂျင်ဆိုတာက ဆံသားကို သန်မာစေပါတယ်။ ဆံသားတွေ ကျိုးပြီးပျက်စီးခြငး်ကိုု ကာကွယ်ပေးပါတယ်။ ဒါပေမယ့့် ကိုလိုဂျင်တွေက လူတွေရဲ့အသက်လိုပဲ ပျက်စီးခြင်းတွေ ရှိတတ်ပါတယ်။ ကိုလိုဂျင်တွေ မရှိတော့ဘူးဆိုရင် ဆံသားတွေ ကျိုးပျက်တတ်ပါတယ်။
အာဟာရဓာတ် - ဗီတာမင် A, ဗီတာမင် D, ကယ်ရိုတင်း၊ လူတုန်း၊ ဇင့်၊ ပရိုတင်း
တစ်ပတ်မှာ ကြက်ဥလေးလုံးလောက် စားဖြစ်အောင်စားပေးပါ။

ကိုက်လန်



သံဓာတ်နဲ့ အမိုင်နိုအက်စစ် L-lysineလိုမျိုးဓာတ်တွေ ရှိတဲ့ ကိုက်လန်က ဆံသားကျန်းမာရေးအတွက် တိုက်ရိုက်အကျိုးသက်ရောက်မှု ရှိစေနိုင်ပါတယ်။ သံဓာတ်က ကျန်းမာတဲ့ သွေးနီဥဆဲလ်တွေကို ထုတ်လုပ်ပေးချိန်မှာ L-lysineက သံဓာတ်တွေကို ကောင်းကောင်းစုပ်ယူူပေးပါတယ်။ ဒီဓာတ်(၂)မျိုးလုံး ချို့တဲ့မယ်ဆိုရင်တော့ ဆံသားတွေ ကျွတ်လာမှာ ဖြစ်ပါတယ်။
အာဟာရဓာတ် - သံဓာတ်၊ ဇင့်ဓာတ်၊ ဖော်လိတ်၊ မက်ဂနီစီယမ်၊ ဗီတာမင် B2, ဗီတာမင် B5

သဖန်းသီး၊ ကတွတ်သီး



သဖန်းသီး၊ ကတွတ်သီးမှာ ကျန်းမာတဲ့ဆံသားလေးတွေဖြစ်ဖို့နဲ့ တောက်ပနေတဲ့အသွင် ရနိုင်တဲ့ အကောင်ဆုံးသံဓာတ် အရင်းအမြစ်ပါဝင်ပါတယ်။ သစ်သီးခြောက်များနဲ့ ဘယ်ရီသီများလည်း ဆံသားကို အားကောင်းစေတဲ့ သတ္ထုဓာတ်တွေ ပါဝင်ပါတယ်။
အာဟာရဓာတ် - သံဓာတ်၊ ပိုတက်စီယမ်၊ မက်ဂနီစီယမ်၊ ဗီတာမင် A, ဗီတာမင် E
တစ်ရက်ကို သဖန်းသီး၊ ကတွတ်သီး၊ သစ်သီးခြောက်နဲ့ ဘယ်ရီသီးများကို နဲနဲစီစားပေးပါ။

နှမ်းကြတ်စေ့



အိုမီဂါ-၃ ကြွယ်ဝတဲ့ နှမ်းကြတ်စေ့က ဆံသားများခြောက်သွေ့လာခြင်းနှင့် အားနည်းလာခြင်းကို ကာကွယ်ပေးပြီး အာဟာရဓာတ်များကို ဖြည့်တင်းပေးပါတယ်။
အာဟာရဓာတ် - အိုမီဂါ-၃၊ မက်ဂနီုစီယမ်၊ ဖော့စဖောရပ်၊ စီလီယမ်၊ ဗီတာမင် B1
သရေစာသဘောမျိုးရော၊ အစားအသောက်တွေပေါ်မှာ ဖြူးပြီးစားတာမျိုးကို တစ်နေ့၁ဇွန်းစားပေးပါ။

ဖရုံစေ့



ဇင့်ဓာတ်ကို ကောင်းကောင်းပေးနိုင်ပြီး ပရိုတင်းဓာတ်ကြွယ်ဝတဲ့ ဖရုံစေ့က ဆံသားတွေကို ပေါက်စေ၊ ပြန်လည်ကောင်းမွန်လာစေတဲ့ ဆဲလ်အသစ်တွေ ပြန်လည်ပြီး တည်ဆောက်ပေးခြင်းနှင့် ဆံသားများ ကျွတ်ခြင်းကို တားဆီးပေးပါတယ်။ ဖြစ်စေပါတယ်။
အာဟာရဓာတ် - ဇင့်ဓာတ်၊ သံဓာတ်၊ ဖော့စဖောရပ်၊ မက်ဂနီစီယမ်၊ ကော့ပါး၊ ပရိုတင်း
တစ်ရက်ကို တဇွန်းစားပေးပါ။ နှမ်းကြတ်စေ့နဲ့ ရောပြီး အာဟာရဓာတ်ကို ရောနှောပါဝင်အောင် စားပေးနိုင်ပါတယ်။

ဘယ်ရီသီးများ



သဘာဝအလျောက် ဗီတာမင် Cကောင်းစွာပါဝင်ပြီး သံံဓာတ်ကို ကောင်းကောင်းစုပ်ယူပေးပါတယ်။ ဗီတာမင် Cက ဦးရေပြားကို သွေးလည်ပတ်မှုကောင်းစေပါတယ်။
အာဟာရဓာတ် - ဗီတာမင် C, ပိုတက်စီယမ်
တစ်ရက်ကို လက်တစ်ဆုပ်စာစားပေးပါ။

Author -- Admin (Hsu Myat)