သင့်ကလေးငယ် (သို့) ဆယ်ကျော်သက် အားကစားသမားတို့အတွက် ရေဓာတ်ဖြည့်ခြင်း

 သင့်ကလေးငယ် (သို့) ဆယ်ကျော်သက် အားကစားသမားတို့အတွက် ရေဓာတ်ဖြည့်ခြင်း

💧💧💧💧💧💧💧💧💧💧💧💧💧💧💧💧💧

ရေဓာတ်ဖြည့်ခြင်းဆိုတာကတော့ သင့်ရဲ့ အားကစားသမားအပေါ် သတိမမူ မဖြစ်ချင်တဲ့ အရာတစ်ခု ဖြစ်ပါတယ်။ သင့်အား ကစားသမားကို ရေဓာတ်မဖြည့်ခင်နဲ့ ရေဓာတ်ဖြည့်ပေးနေစဉ်အတွင်းမှာ လေ့ကျင့်ရမယ့် အချိန်နဲ့ ယှဉ်ပြိုင်ရမယ့် အချိန်ရဲ့အပူချိန်ကို ချိန်ဆပြီး ပေးသင့်ပါတယ်။ ပြည့်ဝတဲ့ ရေဓာတ်က အားကစားသမားတွေရဲ့ အပူချိန်ကို စည်းစနစ်ကျအောင် ထိန်းသိမ်းပေးထားရုံတင် မကပါဘူး။ ကလေးငယ်တွေရဲ့ ကျောရိုးနပ်ဗ်ကြောတွေ၊ ရိုးတွင်းခြင်ဆီတွေကို ကာကွယ်ပေးပြီး စည်းစနစ်ကျအောင်လည်း ပြုလုပ်ပေးပါတယ်။ ကလေးငယ်ရဲ့ ရေဘူးထဲမှာ သေချာ ဆေးကြောပြီး အေးခဲထားတဲ့ သစ်သီးလေးတွေ ထည့်ပေးထားတာကြောင့် ပိုပြီးရေသောက်သုံးမှုကို ဖြစ်စေပါတယ်။

ပြိုင်ပွဲမတိုင်မီ ရေဓာတ်ဖြည့်ခြင်း ⛹️‍♀️⛹️‍♀️⛹️‍♀️⛹️‍♀️⛹️‍♀️⛹️‍♀️

(၁) သင့်အားကစားသမားအတွက် ရေဘူးတွေ ပြင်ဆင်ထား၊ မထား သေချာအောင်လုပ်ပါ။ တစ်ဘူးတလေ ပျောက်သွားတာပဲဖြစ်ဖြစ်၊ သင့်အားကစားသမားက ပိုရေဆာနေတာတွေ ဖြစ်နိုင်တာကြောင့် အပိုရေဘူး ပြုလုပ်သွားပါ။

(၂) လေ့ကျင့်ခန်းမလုပ်မီ (သို့) ပြိုင်ပွဲမတိုင်မီ ၂ နာရီ၊ ၃ နာရီအတွင်းမှာ သင့်အားကစားသမားက ရေဓာတ် ၁၆-၂ဝ အောင်စလောက် သောက်ထားရပါမယ်။

(၃) ၁ဝ မိနစ်၊ ၁၅ မိနစ်မတိုင်မီမှာ ၈-၁၂ အောင်စလောက် ရေဓာတ်ဖြည့်ပေးပါ။

(၄) ဒါတွေက ကြည့်ရတာ ရှုပ်ထွေးနေတယ် ဆိုရင်တော့ ကလေးငယ်မှတ်ရလွယ်အောင် ရေဖြည့်ထားတဲ့ ရေဘူးမှာ ဘောပင်နဲ့ အမှတ်လေးတွေ လုပ်ပေးထားလိုက်ပါ။

ပြိုင်ပွဲချိန် ရေဓာတ်ဖြည့်ခြင်း 🤾‍♂️🤾‍♂️🤾‍♂️🤾‍♂️🤾‍♂️🤾‍♂️🤾‍♂️🤾‍♂️

(၁) အားကစားအမျိုးအစားပေါ်မူတည်ပြီး ရေသောက်ဖို့ အချိန်က တော်တော်များများရှိမှာ မဟုတ်ပါဘူး။ ဒါကြောင့် ကလေးအားကစားသမားတွေ သူတို့အချိန်ရှိစဉ်မှာ ရေသောက်ဖို့ သတိပေးထားပါ။

(၂) ၁၅-၂ဝ မိနစ်ကြာတိုင်း ရေ ၃-၈ အောင်စ သောက်သုံးပေးသင့်ပါတယ်။ အားလပ်ချိန်တိုင်းမှာ အနည်းဆုံး ၃-၄ အောင်စလောက် သောက်ထားဖို့ သတိပေးပါ

(၃) သင့်ကလေးငယ်အားကစားသမားက မိနစ် ၆ဝ-၉ဝ အထိ လေ့ကျင့်နေရတယ် (သို့) ပြိုင်ပွဲဝင်နေရတယ်ဆိုရင် ကာဘိုဟိုက်ဒရိတ်၊ Electrolyte ပါတဲ့ ဖျော်ရည်တွေက အကောင်းဆုံးပါပဲ။ Electrolyte က ကုန်ဆုံးသွားတဲ့ ချွေး တွေနေရာမှာ အစားထိုးပေးပြီး ကာဘိုဟိုက် ဒရိတ်က ပြည့်စုံတဲ့အားအင်တွေကို ပြည့်အောင် ပြုလုပ်ပေးပါတယ်။

(၄) ကြာရှည်တဲ့အားကစားတစ်ခုကို ယှဉ်ပြိုင် နေရတယ်ဆိုရင် အကောင်းဆုံး ကာဘိုဟိုက်ဒရိတ် အရင်းအမြစ်တွေဖြစ်တဲ့ ခန္ဓာကိုယ် သွေးတွင်းသကြားဓာတ်တွေကို မြင့်တက်စေပြီး အစာကြေလွယ်တဲ့ သစ်သီးတွေကို ရေနဲ့အတူ သောက်ပေးခိုင်း သင့်ပါတယ်။

ပြိုင်ပွဲပြီးနောက် ရေဓာတ်ဖြည့်ခြင်း 💦💦💦💦💦💦

(၁) အရည်ဓာတ် ဆုံးရှုံးသွားတဲ့အတွက် အရည်ဓာတ် မလုံလောက်တာ (သို့) ကိုယ်အလေးချိန် ကျဆင်းတာတွေဖြစ်တတ်တာကြောင့် အရည်တစ်မျိုးမျိုး (သို့) Electrolyte ကို ပြန်လည်ဖြည့်သင့်ပါတယ်။ သင့်ရဲ့ကလေးငယ် အားကစားသမားအကြောင်းကို သင်က ပိုသိပါတယ်။ လိုအပ်တဲ့ အရည်ပမာဏက ချွေးထွက်နှုန်း၊ စိုထိုင်းမှု စတဲ့ အကြောင်းအရာတွေပေါ်မှာ မူတည်ပါတယ်။ လေ့ကျင့်ခန်း၊ ပြိုင်ပွဲတွေ ပြီးချိန်မှာ ရေဓာတ်ပြန်ဖြည့်သင့်ပြီး ပြန်လည်အားဖြည့်စာတွေ စားချိန်မှာလည်း ရေကို လုံလုံလောက်လောက် သောက်ပေးရမှာပါ။

(၂) (ဆိုဒီယမ်) ဆားအနည်းငယ်ပါတဲ့ မုန့်တွေနဲ့ အသားတွေကို စားပေးတာကြောင့် ကလေးငယ်တွေ ရေငတ်ခြင်းကိုဖြစ်စေပြီး ရေဓာတ်ပြန်လည်ဖြည့်ခြင်းကို မြန်မြန်ဖြစ်စေပါတယ်။ သောက်သုံးထားတဲ့ ရေဓာတ်တွေကိုလည်း ခန္ဓာကိုယ်က ထိန်းသိမ်းထားစေပါတယ်။

(၃) ရေခဲချောင်းကို စားပေးခြင်းကလည်း အရည်ဓာတ်နဲ့ ကာဘိုဟိုက်ဒရိတ်ကို ပြန်လည်ဖြည့်ဆည်းပေးဖို့ ကူညီပေးပါတယ်။

http://www.superkidsnutrition.com/hydrating-child.../

ဆုမြတ်ဦး

For Sports and Fitness Magazine