ကြက်ဥမှာ အဆီဓာတ် ဘယ်လောက်ပါဝင်နေသလဲ

ကြက်ဥမှာ အဆီဓာတ် ဘယ်လောက်ပါဝင်နေသလဲ

ကြက်ဥက ပရိုတင်းဓာတ်ပြည့်ဝတယ်ဆိုတာ ကျွန်မတို့ အားလုံးသိကြပါတယ်။ ဗီတာမင်(၁၁)မျိုးနဲ့ သတ္တုဓာတ်တွေ၊ ကျန်းမာရေးနဲ့ ညီညွှတ်တဲ့အဆီတစ်မျိုးဖြစ်တဲ့ အိုမီဂါ-၃ ပါဝင်ပါတယ်။

ကြက်ဥမှာ ကိုလက်စရောပါဝင်နှုန်း ဘယ်လောက်ရှိလဲဆိုတာနဲ့ ဘယ်လောက်စားရင် သွေးတွင်းကိုလက်စရော ဘယ်လောက်တက် လာမလဲဆိုတာကို နှစ်တော်တော်ကြာ ဆွေးနွေးလာကြပြီး ဖြစ်ပါတယ်။ ပထမဦးဆုံးအနေနဲ့ ကိုလက်စရောလို့ ပြောလိုက်ရင် မကောင်းတဲ့ စကားလုံးအနေနဲ့ပဲ မြင်တတ်ကြပါတယ်။ လူတိုင်းက ကိုလက်စရောလို့ ကြားလိုက်တာနဲ့ ဆေးဝါးကုသမှုတွေ ခံယူရမယ်၊ နှလုံးရောဂါနဲ့ အသက်တိုတာတွေကို ပြေးမြင်ကြပါတယ်။

သို့သော်လည်းပဲ အမှန်တော့ ကိုလက်စရောဆိုတာက ခန္ဓာကိုယ်အတွက် အရေးကြီး အစိတ်အပိုင်း တစ်ခုဖြစ်ပြီး ကျန်းမာရေးကောင်းဖို့အတွက် အရေးကြီးတဲ့ ဒြပ်ပစ္စည်းတစ်မျိုး လည်းဖြစ်ပါတယ်။ ကိုလက်စရောကို မော်လီကျူ့လေးတွေနဲ့ ဖွဲ့စည်းတည်ဆောက်ထားတာဖြစ်ပြီး ဆဲလ်တစ်ခုခြင်းစီရဲ့ အမြှေးပါးလေးတိုင်း အတွက် အရေးကြီးပါတယ်။ ဟော်မုန်း၊ ဗီတာမင်စတဲ့ ကိုယ်ခန္ဓာကနေ အလိုအလျောက် ထုတ်လုပ်ပေးတဲ့ဓာတုဒြပ်ပေါင်းတွေ ဥပမာ- လူ၏ ကျောက်ကပ်ဆောင်းသွေးကျိတ်ဂလင်း၏ အပြင်လွှာမှထုတ်သည့် စတီးရွိုက်ဟော်မုန်းတစ်မျိုးအတွက် အသုံးပြုပြီးတော့ ကိုယ်ခန္ဓာအတွင်း ဓာတုဗေဒနည်း အတိုင်း ဓာတ်ပြောင်းလဲဖွဲ့စည်းခြင်း တွေကို ပြည့်ပြည့်ဝဝ လုပ်ဆောင်နိုင်ဖို့ ကူညီပေးပါတယ်။

ခန္ဓာကိုယ်ကနေ အဆီတွေကို ချေဖျက်နိုင်ဖို့၊ အရေး ကြီးတဲ့ အာဟာရဓာတ်တွေကို စုပ်ယူနိုင်တဲ့ လေချဉ်ရည်အက်စစ်ဓာတ်တွေကို ထုတ်လုပ်ပေးပါတယ်။ အမှန် တရားကတော့ ကိုလက်စရောမရှိဘူးဆိုရင် ကျွန်မတို့တွေလည်း ရှိနိုင်မှာမဟုတ်ပါဘူး။

ကျွန်မတို့ စားမြဲစားနေတဲ့ အစားအသောက်တွေကနေ ကိုလက်စရော အနည်းငယ်ကိုရရှိသော်လည်းပဲ ကျွန်မတို့ရဲ့ အသည်းက ခန္ဓာကိုယ်မှာရှိတဲ့ ကိုလက်စရောအများစုကို ပြုလုပ် ပေးဖို့ တာဝန်ရှိပါတယ်။ (၆ဝ ဂရမ်) ကြက်ဥ အကြီးတစ်လုံးမှာဆိုရင်တော့ ကိုလက်စရော ၂ဝဝ မီလီဂရမ်နီးပါးလောက် ပါဝင်ပါတယ်။ အတိုင်းအချင့်နဲ့ စားသောက်ရမယ့် အစားအသောက် ပမာဏ ထောက်ခံချက်ပေးထားတဲ့ထဲမှာတော့ ကိုလက်စရော မပါဝင်ပါဘူး။ ဒါပေမဲ့ ဆေးပညာရှုထောင့်အရ ကြက်ဥထဲမှာပါတဲ့ ကိုလက်စရောက ကျွန်မတို့ ခန္ဓာကိုယ်အတွင်း သွေးတွင်းကိုလက်စရောအဆင့်ကို သက်ရောက်မှုမရှိဘူးလို့ တွေ့ရှိထားပါတယ်။

ဒီကိုလက်စရောတွေကိုတော့ ကျွန်မတို့စားလိုက်တဲ့ အစားအစာထဲက ပြည့်ဝအဆီတွေ၊ ပြောင်းလဲထားတဲ့ အဆီတွေက ဖုံးအုပ်သွားပါတယ်။

ဘယ်လိုပဲဖြစ်ဖြစ် တချို့လူတွေအတွက်ကတော့ ကိုလက်စရောက ထိခိုက်လွယ်နေတုန်းပဲဖြစ်ပြီးတော့ သူတို့ရဲ့သွေးတွင်း ကိုလက်စရောအဆင့်ကိုလည်း သက်ရောက်နေပါတယ်။ ပြောချင်တာကတော့ သူတို့တေ စားလိုက်တဲ့ အစားအသောက်တွေကနေ ကိုလက်စရောတွေကို ရရှိလိုက်ပြီးတော့ တခြားသူတွေ ထက်စာရင် သွေးတွင်းကိုလက်စရော အဆင့်ကို မြှင့်တက်စေတုန်းပါပဲ။ သင့်မှာ ကိုလက်စရော အဆင့်ဘယ်လောက်ရှိလဲ၊ ဘယ်လိုထိန်းချုပ်ရမလဲဆိုတာကို သိချင်တယ်ဆိုရင်တော့ ဆရာဝန်နဲ့ တိုင်ပင်ကြည့်သင့်ပါတယ်။

ကြက်ဥထဲမှာပါတဲ့ အဆီပါဝင်နှုန်းကို ကြည့်မယ်ဆိုရင် ကြက်ဥအကြီး ၂ လုံးကို စားမယ်ဆိုရင် ရရှိမယ့် အဆီ စုစုပေါင်းကတော့ ၁ဝ.၃ ဂရမ်လောက်နီးပါး ရရှိမှာဖြစ်ပါတယ်။ အဆီ စုစုပေါင်းထဲမှာတော့ (ပြည့်ဝအဆီ) Saturated Fat ၃.၄ဂရမ်၊ (မိုနိုအမ် စက်ကျူရိတ်တက်ဖက်) Monounsaturated fat ၅.၃ ဂရမ်နဲ့ (ပိုလီအမ်စက် ကျူရိတ်တက်ဖက်) Polyun-saturated fat ၁.၇ ဂရမ်တို့ ပါဝင်ပါတယ်။ ကြက်ဥထဲမှာပါတဲ့ အဆီတော်တော် များများက ကျန်းမာရေးနဲ့ညီညွှတ်တဲ့ အဆီတွေဖြစ်ပြီးတော့ ကျွန်မတို့ကျန်းမာရေးအတွက် လိုအပ်တဲ့အရာတွေပဲဖြစ်ပါတယ်။

ကြက်ဥမှာ ကျွန်မတို့ရဲ့ကိုလက်စရောအဆင့်ကို ဆိုးစေတဲ့ပြောင်းလဲထားတဲ့ အဆီတွေ မပါဝင်ပါ ဘူး။ ကြက်ဥထဲမှာ ကျန်းမာရေးနဲ့ ညီညွှတ်စေ တဲ့၊ နှလုံးရောဂါဖြစ်ပွားမှုကို လျော့ချပေးတဲ့ ရောင်ရမ်းခြင်းကို လျော့ကျစေတဲ့ အိုမာဂါ-၃ ဖက်တီး အက်စစ် ဝ.၁၈ ဂရမ် နီးပါးပါဝင်ပါတယ်။

ကြက်ဥထဲမှာပါတဲ့ ကိုလက်စရော(သို့) အဆီပါဝင်မှုတွေကြောင့်တော့ ကြက်ဥစားရတာကို မကြောက် ပါနဲ့။ အစား အသောက်တစ်ခုမှာ ကိုလက်စရော အဆင့်မြင့်တာကြောင့် သွေးတွင်းမှာရှိတဲ့ ကိုလက်စရောအ ဆင့်တွေထိ မမြင့်တက်စေပါဘူး။ တကယ်လို့ သင့်ကိုလက်စရောအဆင့် (သို့) အဆီပါဝင်မှု မြင့်တက်ခဲ့တယ်ဆိုရင် သင်စားသုံးတဲ့ ကြက်ဥကနေရလာတာ မဟုတ်ပါဘူး။ သင်ခံစားနေရတဲ့ အခြေအနေတွေကို ဆရာဝန်နဲ့ ဆွေးနွေးတိုင်ပင်မယ်ဆိုရင်တော့ သင်စားသုံးလိုက်တဲ့ ပြည့်ဝအဆီနဲ့ ပြောင်းလဲထားတဲ့အဆီပမာဏကို ကြည့် ပါ။

http://www.bodyandsoul.com.au/…/f61ec096bc7ea283d96cdb27de9…

ဆုမြတ်ဦး

For Sports and Fitness Magazine