၀ိတ်ချနေတဲ့ သင့်ကိုပိန်သွားအောင် ကူညီပေးနိုင်တဲ့ မှန်ကန်တဲ့အချက်များ

on

 ၀ိတ်ချနေတဲ့ သင့်ကိုပိန်သွားအောင် ကူညီပေးနိုင်တဲ့ မှန်ကန်တဲ့အချက်များ

ကျွန်တော်၊ ကျွန်မတော့ ၀ိတ်ချနေတယ်၊ ပြီးတော့ ထိန်းထားရတာ အရမ်းခက်တာပဲလို့ ပြောပြနေစရာမလိုအောင်ကို ၀ိတ်ချရတာဘယ်လောက်ခက်မှန်း မင်မင်တို့ကိုယ်တိုင်ကိုက သိပါတယ်။ ကဲစိတ်ညစ်စရာတွေ ခနထား တကယ်ဝိတ်ကျစေမယ့် အချက်လေးတွေကို ကြည့်လိုက်ကြရအောင်…


၁။ သင့်ခန္ဓာကိုယ်က သင့်ကိုဆန့်ကျင်နေပါတယ်။ 

၀ိတ်ချမယ်လို့ ဆုံးဖြတ်လိုက်တာနဲ့ စပြီးတိုက်ခိုက်ရမှာက စားချင်စိတ်ကိုတင်မဟုတ်ပါဘူး၊ သင့်ကိုယ်တိုင်ကိုရောပါ။ ၀ိတ်ချခြင်းက ဦးနှောဏ်ကနေဗိုက်ပြည့်ပါတယ်လို့ အချက်ပြတဲ့ Leptinဟော်မုန်းကို ကျစေပြီး ဆာလောင်တယ်ဆိုတဲ့ Ghrelinဟော်မုန်း တိုးလာစေပါတယ်။ တကယ်လို့ ကယ်လိုရီတွေကို လျော့ချလိုက်ပြီဆိုရင် ကိုယ်တွင်းဇီဝကမ္မဖြစ်စဉ်တွေကလည်း နှေးသွားပါတယ်။ ပြီးတော့ ၀ိတ်မြန်မြန်ကျသွားတာကြောင့်လဲ ကိုယ်တွင်းကြွက်သားများကို ဆုံးရှုံးစေပါတယ်။ ကြွက်သားတွေက ကိုယ်တွင်းဇီဝကမ္မဖြစ်စဉ်တွေအတွက် အဓိအင်ဂျင်တစ်ခုဖြစ်တာကြောင့် နှေးသွားစေတာပါ။ ဒါ့ကြောင့် နည်းနည်းစားပြီး လေ့ကျင့်ခန်းတွေ များများပိုပြီးလုပ်လိုက်တာက ၀ိ်တ်ချမယ့်ခရီးရှည်အတွက် အကောင်းဆုံးပါ။

၂။ ဖြတ်လမ်းမရှိပါဘူး။

နောက်လမှာ ပွဲလမ်းတစ်ခုခုရှိတာကြောင့် ဒီလမှာပေါင်ချိန်၃ဝလောက် ကျချင်နေလို့မရပါဘူး။ အစာအငတ်ခံတာက ကိုယ်တွင်းဇီဝကမ္မဖြစ်စဉ်တွေကို နှေးစေပြီးတော့၊ ၀ိတ်ချမယ့်ခရီးရှည်ကို ပျက်စီးစေနိုင်ပါတယ်။ ဒါ့ကြောင့် နေ့စဉ်နည်းနည်းနဲ့ ဖြေးဖြေးချင်းစီသွားပါ။ တစ်ပတ်ကို၁ပေါင်လောက်ပဲ ဖြေးဖြေးချင်းချပါ။ မြန်မြန်ကျသွားလဲ မြန်မြန်ပဲပြန်တက်လာမှာပါ။


၃။ လေ့ကျင့်ခန်းတစ်ခုတည်းနဲ့ ၀ိတ်လုံးဝမကျနိုင်ပါဘူး။

၀ိတ်ချနေတဲ့အချိန်မှာ လေ့ကျင့်ခန်းတွေကြောင့် ပိုကျနိုင်တယ်၊ ထိန်းပေးထားတယ်ဆိုတာ မှန်ပေမယ့် လေ့ကျင့်ခန်းတစ်ခုတည်းလုပ်တာကလဲ ၀ိတ်ကျနိုင်တဲ့အကြောင်းအရာမဟုတ်ပါဘူး။ လူတစ်ယောက်ဟာ သူစားလိုက်တဲ့ အစားအားလုံးရဲ့ ၃၅ဝဝကယ်လိုရီလောက်ကို လောင်ကျွမ်းဖို့လိုပါတယ်။ ဒါ့ကြောင့် စားချင်သလောက်စားပြီး လေ့ကျင့်ခန်းလေး ခနလောက်လုပ်ရုံနဲ့ ၀ိတ်မကျစေနိုင်ပါဘူး။


၄။ ၀ိတ်ကျဆေးတွေကလည်း အလုပ်မဖြစ်နိုင်ပါဘူး။ 

ဒီဆေးလုံးသေးသေးလေးတွေက နည်းနည်းတော့အဆင်ပြေစေနိုင်တယ်ဆိုတာကို တွေ့နေရပေမယ့် အရမ်းကြီးကျသွားတယ်လို့ အဆင်ပြေသွားတယ်လို့ မကြားမိပါဘူး။ ဒါ့ကြောင့် နည်းနည်းစား၊ လေ့ကျင့်ခန်းများများလုပ်ပါ။ ဒါမှမဟုတ် ၀ိတ်ကျတဲ့ Programsလေးတွေနဲ့ Joinကြည့်ပါ။


၅။ ၀ိတ်ချနည်း နည်းလမ်းတစ်မျိုးတည်းက အားလုံးအတွက်မဟုတ်ပါဘူး။

လူတိုင်းရဲ့ခန္ဓာကိုယ်က တစ်ယောက်နဲ့တစ်ယောက်မတူပါဘူး။ သင့်သူငယ်ချင်း၊ လုပ်ဖော်ကိုင်ဖက်၊ မောင်နှမတွေလုပ်တဲ့ အစာအငတ်ခံတာဖြစ်ဖြစ်၊ အစားအသောက်နည်းစနစ်တွေက သင်အတွက်အလုပ်ဖြစ်မှာမဟုတ်ပါဘူး။ အကောင်းဆုံးဝိတ်လျော့နည်းကတော့ သင့်ကျန်းမာရေး၊ အသက်အရွယ်၊ အရပ်၊ ကိုယ်အလေးချိန်၊ မိသားစုနောက်ခံ၊ ကိုယ်တွင်းဇီဝကမ္မဖြစ်စဉ်တွေ၊ ကိုယ်ဘာကြိုက်တယ် မကြိုက်တာပေါ်မူတည်ပြီး အစားအစာစားသောက်ဖို့ အကြံပေးချင်ပါတယ်။ 


၆။ လေ့ကျင့်ခန်းလုပ်ဖို့ အရေးကြီးပါတယ်။ 

အရွယ်ရောက်ပြီးသား လူတစ်ယောက်ဟာ တစ်ပတ်မှာ အေရိုးဗစ်လေ့ကျင့်ခန်းမျိုးကို ၁၅ဝမိနစ်၊ ပြင်းထန်တဲ့ လေ့ကျင့်ခန်း ၇၅မိနစ် ရှိသင့်ပြီး ကြွက်သားကို အလေးပေးတဲ့ လေ့ကျင့်ခန်းတွေလဲ ပါသင့်ပါတယ်။ ၀ိတ်ချချင်တဲ့လူတစ်ယောက်ဟာ တစ်ရက်မှာ မိနစ်၃ဝထက် မလျော့တဲ့ကိုယ်လက်လှုပ်ရှားမှုမျိုး ရှိထားသင့်ပါတယ်။ 


၇။ ယောကျ်ားလေးတွေက မိန်းကလေးတွေထက် ပိုစားနိုင်ပါတယ်။ 

ယောကျာ်းလေးတွေက မိန်းကလေးတွေထက် ပိုစားကြပေမယ့် ပိုပိန်ကြပါတယ်။ မမျှတဘူးထင်တယ်မို့လား။ ဘာ့ကြောင့်လဲဆိုတော့ မိန်းကလေးတွေထက်စာရင် ကြွက်သားထုကြီးတာ၊ ခန္ဓာကိုယ်ဆိုဒ်ကြီးတာနဲ့ မတူညီတဲ့ ဟော်မုန်းဓာတ်တွေကြောင့် မိန်းကလေးတွေထက် ကယ်လိုရီကို ပိုလောင်ကျွမ်းစေနိုင်ပါတယ်။ မိန်းကလေးရဲ့ ခန္ဓာကိုယ်ထက်စာရင် ယောက်ျားလေးတွေရဲ့ ခန္ဓာကိုယ်က အဆီနည်းပြီးကြွက်သားများများနဲ့ တည်ဆောက်ထားတာပါ။ ဒ့ါကြောင့် သူတို့တွေက ပိုပိန်နေတာပါ။


၈။ စားသောက်နည်းတစ်ခုတည်းမဟုတ်ပဲ၊ နေ့စဉ်ဘဝအားလုံးကို ပြောင်းလဲပါ။

၀ိတ်ကျချင်တယ်၊ ၀ိတ်ထိန်းထားချင်တယ်ဆိုရင်တော့ လိုချင်တဲ့ပန်းတို်င်မရောက်ခင် နေ့စဉ်နေ့ထိုင်မှုပုံစံကို ပြောင်းပစ်ပါ။ ထိန်းထားတဲ့ စားသောက်နည်းတွေ၊ လေ့ကျင့်ခန်းတွေ ရပ်လိုက်တာနဲ့ ပြန်ဝလာမှာဆိုတော့ မရောက်ခင်ထိ ထိန်းထားပါနော်။ကျန်းမာတွေ အစားအသောက်တွေစား၊ နေ့စဉ်ဘဝကို ပြောင်းလဲပြီး လေ့ကျင့်ခန်းများများလုပ်ပါ။

Hsu Myat Oo


I love food and I want to share with you my favourite food. I making food and write recipes about it online. So lucky to meet you here! About Me My name is Hsu Myat Oo and I am Myanmar who love to cook and bake. Kitchen jungle by Hsu is a cooking and baking blog started from 2020. Cooking and baking is one of my hoppy. When I finished my degree, I attended diploma class majoring in food technology. After I finished my diploma, I attended a lot of cooking class and baking class. And I also interested in making juices and coffee, so I attended barista class. I started to work in better day media and I work for Food Magazine and Sport and Fitness Magazine. I worked in Food Magazine Myanmar as a food editor and food writer in 2016. I worked in Sport and Fitness Magazine Myanmar as a food editor and food writer in 2018. In 2019, I quit from Better Day Media and I started my own job. I opened my restaurant in July, 2019. But I keep writing recipes and food knowledge sharing content from my pages. If you want to read more articles, recipes and food knowledge sharing contents in Myanmar and English version, please follow my facebook, pinterest, instagram and youtube.

Comments

Post a Comment