တကမ္ဘာလုံးမှာ စျေးအကြီးဆုံးစားသောက်ဆိုင် ၁ဝဆိုင် နဲ့ ဒီဆိုင်တွေ ဘယ်လောက်တောင် စျေးကြီးတာလဲ။

  တကမ္ဘာလုံးမှာ စျေးအကြီးဆုံးစားသောက်ဆိုင် ၁ဝဆိုင် နဲ့ ဒီဆိုင်တွေ ဘယ်လောက်တောင် စျေးကြီးတာလဲ။

အပိုင်း(၁)

သင်က အစားအသောက်ကို အရမ်းခုံမင်နှစ်သက်တယ်၊ စားသောက်ဆိုင်ဆန်းဆန်းလေးတွေ၊ ကမ္ဘာတစ်ဝှမ်းက Fine Dining Restaurantsတွေ အကြောင်း၊ အစားအသောက်တွေအကြောင်းကို စိတ်ဝင်စားတယ်။ လေ့လာချင်သူဆိုရင် ဒီစာလေးကို ဆက်ဖတ်ဖို့တော့ လိုမယ်နော်။ 

10.Ithaa Undersea – Maldives (တစ်ဦးလျှင် $320)

Ithaa Undersea ဆိုင်လေးက ကမ္ဘာပေါ်မှာ ပထမ ဦးဆုံးရေအောက်စားသောက်ဆိုင်လေးဖြစ်ပြီး Maldivesမှာရှိတဲ့ Rangaliကျွန်းမှာ ဖွင့်ထားတာဖြစ်ပါတယ်။ ဒီဆိုင်လေးမှာ စားသောက်ချင်တယ်ဆိုရင်တော့ တစ်ဦးကို ဒေါ်လာ ၃၂ဝကျသင့်မှာဖြစ်ပြီး ဥရောပအစားအသောက်များကို သုံးဆောင်နိုင်မှာဖြစ်ပါတယ်။ အိန္ဒိယသမုဒ္ဒရာရဲ့ ၅မီတာအောက်မှာ အစားအသောက်တွေကို သုံးဆောင်ရမှာဖြစ်ပါတယ်။ 

9. Aragawa – Tokyo, Japan (တစ်ဦးလျှင် - $260 -$370)

တစ်ဦးလျှင် - $260 -$370ကျသင့်တဲ့ Aragawaဆိုတဲ့ ဂျပန်စားသောက်ဆိုင်လေးကတော့ ဂျပန်နိုင်ငံ၊ တိုကျိုမှာရှိတဲ့ ရုံးအဆောက်အဦးအဟောင်းတစ်ခုရဲ့ မြေညီထပ်မှာ ဖွင့်လှစ်ထားတာဖြစ်ပါတယ်။ တခြားအဆင့်အတန်းမြင့် စားသောက်ဆိုင်များနဲ့ မတူတာကတော့ ဟင်းပွဲတစ်မျိုးချင်းစီကိုပါ မှာယူသုံးဆောင်နိုင်မှာဖြစ်ပါတယ်။ ဒီဆိုင်လေးမှာတော့ ဂျပန်နိုင်ငံမှာအကောင်းဆုံး အမဲသားလို့ တင်စားထားတဲ့Wagu, Kobeအမဲသားဟင်းလျှာများက နာမည်အကြီးဆုံးပါ။

8. Kitcho Arashiyama – Tokyo , Japan ( တစ်ဦးလျှင် - $380 - $570)

ဂျပန်နိုင်ငံမှာ Kitcho Arashiyamaနာမည်နဲ့ စားသောက်ဆိုင်ပေါင်း ၆ဆိုင်ရှိပြီး တိုကျိုမှာရှိတဲ့ဆိုင်ကတော့ အကောင်းဆုံးဆိုင်လို့ သတ်မှတ်ထားတဲ့ မီရှယ်လင်းကြယ် ၃ပွင့်ရထားတဲ့ တစ်ခုတည်းတော့ ဆိုင်လေးဖြစ်ပါတယ်။ အပေါ်မှာပြောထားတဲ့ ဆိုင်လေးနဲ့ မတူတဲ့အချက်ကတော့ Kitcho Arashiyamaဆိုင်လေးက လှပတဲ့ဆိုင်ခန်းပြင်ဆင်မှုနဲ့ ပတ်ဝန်းကျင်အေးချမ်းသာယာမှုတွေကြောင့် အရမ်းနာမည်ကြီးတဲ့ဆိုင်လေးပါ။ သာယာလှပတဲ့ခြံဝန်း၊ ခမ်းနားတဲ့ဂျပန်ရိုးရာ စားသောက်ခန်းအပြင်အဆင်နဲ့ လတ်ဆတ်တဲ့ရာသီဟင်းသီးဟင်းရွက်၊ အသားငါးများနှင့် ချက်ပြုတ်ပြင်ဆင်ပေးတဲ့ဆိုင်လေးဖြစ်ပါတယ်။ 

7. Guy Savoy – Paris, France (တစ်ဦးလျှင် $385 - $626)

Guy Savoyနာမည်ရှိတဲ့ဆိုင်လေးကိုတော့ ဆိုင်ပိုင်ရှင်စားဖိုမှူးကြီး Guy Savoyရဲဲ့နာမည်ကို ပေးထားတာဖြစ်ပါတယ်။ Las Vegasနဲ့ ပြင်သစ်မှာရှိတဲ့ Parisမှာ ဖွင့်လှစ်ထားပါတယ်။ ဆိုင်၂ဆိုင်လုံး မီရှယ်လင်းကြယ်၃ခုစီရထားပြီး ပြင်သစ်ဟင်းလျှာများကို အဓိကထားပြီးရောင်းချပါတယ်။ တစ်ဦးစီအတွက်ကျသင့်တဲ့ $385 - $626ထဲမှာ သောက်စရာပါဝင်မှာမဟုတ်တဲ့အတွက်ကြောင့် ၀ိုင်ဖြစ်ဖြစ် တစ်ခုခုထပ်မှာရင် ထပ်ဆောင်းပေးရမှာဖြစ်ပါတယ်။ ဆိုင်ပိုင်ရှင်စားဖိုမှူးကြီး Guy Savoyက Master Chefအစီအစဉ်ရဲ့ဒိုင်စားဖိုမှူးတစ်ယောက်ဖြစ်တဲ့ Gordon Ramseyကို သင်ကြားပေးခဲ့တဲ့ ဆရာတစ်ယောက်ဆိုရင်လဲ မမှားပါဘူး။ သူဟာဆိုရင် Guy Savoyအမည်ရှိဆိုင်အပါအဝင် ပြင်သစ်မှာ နောက်ထပ်အောင်မြင်တဲ့ စားသောက်ဆိုင် ၄ဆိုင်ပိုင်ဆိုင်ထားတာဖြစ်ပါတယ်။ 

6. Restaurant De L’Hotel De Ville – Crissier, Switzerland (တစ်ဦးလျှင် $415)

ဒီဆိုင်လေးက မီရှယ်လင်းကြယ်၃ခုရထားပြီး အကောင်းဆုံးအရည်အသွေးမြင့် အစားအသောက်များကို သုံးဆောင်နိုင်မှာဖြစ်ပါတယ်။ ဆိုင်မှာသုံးထားတဲ့ အရည်အသွေးမြင့် ပါဝင်ပစ္စည်းများကို ပြည်တွင်းအမဲလိုက်သူများ၊ ပြည်တွင်းစိုက်ခင်းများနှင့် ပြည်တွင်းချိစ်ပြုလုပ်သူများဆီကနေ တိုက်ရိုက်ဝယ်ယူအသုံးပြုထားတာဖြစ်ပါတယ်။ ၂၀၁၉ခုနှစ်တုန်းကဆိုရင် အကောင်းဆုံးစားသောက်ဆိုင်ထဲမှာ နံပတ်၁ချိတ်ခဲ့တဲ့ဆိုင်လေးဖြစ်ပါတယ်။ 

Hsu Myat Oo