Endurance (ခံနိုင်ရည်ရှိခြင်း) သို့မဟုတ် Resistance (ရုန်းကန်နိုင်စွမ်းရှိခြင်း) :

 Endurance (ခံနိုင်ရည်ရှိခြင်း) သို့မဟုတ် Resistance (ရုန်းကန်နိုင်စွမ်းရှိခြင်း) :

မည်သည်ကို လေ့ကျင့်ခြင်းက အကောင်းဆုံးဖြစ်မလဲ

 မည်သည့်လေ့ကျင့်ခြင်းပုံစံက ကျွန်မအတွက် အကောင်းဆုံးလဲ (သို့) ဘယ်အရာကို ကျွန်မ ပိုပြီးလေ့ကျင့်ရတာ ကြိုက်နှစ်သက်လဲဆိုတာကို မေးခွန်းတွေ အမြဲထုတ်နေတတ်တယ်။ ကျွန်မခန္ဓာကိုယ်အတွက် လှပနေစေမယ့်၊ ကျန်းမာရေးနဲ့ ညီညွတ်နေစေမယ့် မည်သည့်လေ့ကျင့်နည်းကိုမဆို လေ့ကျင့်ပါတယ်။ ဒါပေမဲ့ မလုပ်ဘဲ ထားလိုက်ရမယ့်၊ ဖြတ်ပစ်လိုက်ရမယ့် လေ့ကျင့်ခန်းဆိုတာ မရှိပါဘူး။ Endurance ရော၊ Resistance ရော ၂ ခုစလုံး အပါအဝင် အမျိုးမျိုးသော လေ့ကျင့်ခန်းတော်တော်များများကို ကျွန်မလေ့ကျင့်ပါတယ်"လို့ Emily က ဆိုပါတယ်။

 Endurance လေ့ကျင့်ခန်းတွေက နှလုံးနှင့် အဆုတ်ကို ပိုသန်စွမ်းအောင်နှင့် ကယ်လိုရီတွေကို လောင်ကျွမ်းစေခြင်းတို့အပေါ်မှာ အခြေခံထားတာ ဖြစ်ပါတယ်။ Resistance လေ့ကျင့်ခန်းတွေက ကြွက်သားတွေ သန်မာစေဖို့အတွက် အဓိကထားတာဖြစ်ပါတယ်။ နှစ်ခုစလုံးကိုပေါင်းပြီး လေ့ကျင့်မယ်ဆိုရင်တော့ လေ့ကျင့်ခန်းတွေက ပိုမိုထိရောက်စေပြီး နှစ်ခုစလုံးရဲ့ အကျိုးကျေးဇူးတွေကို ကောင်းကောင်းရရှိနိုင်မှာ ဖြစ်ပါတယ်။

 ကဲ- Endurance နဲ့ Resistance တို့ရဲ့ တစ်ခုချင်းစီ လေ့ကျင့်ရတဲ့ ပုံစံလေးတွေနဲ့ အဓိကကောင်းကျိုးလေးတွေကို နည်းနည်းလောက် ပြောကြည့်ကြရအောင်။

Endurance (ခံနိုင်ရည်ရှိခြင်း)

 ကြွက်သားတွေရဲ့ ခံနိုင်ရည်စွမ်းအားနဲ့ နှလုံးနှင့် အဆုတ်တွေရဲ့ ခံနိုင်ရည်စွမ်းအားကို မြှင့်တင်လိုက်တာကြောင့် စွမ်းအားတွေ မကုန်သွားခင်နဲ့ မောမလာခင်မှာ ပိုကြာကြာလေ့ကျင့် နိုင်အောင် ထိန်းသိမ်းပေးထားပါတယ်။

- ကြွက်သားတွေရဲ့ ခံနိုင်ရည်စွမ်းအား အတွက် လေ့ကျင့်ခြင်း - ရုပ်ပိုင်းဆိုင်ရာ လှုပ်ရှားမှုတွေကို အချိန်တော်တော်ကြာ အားသွန်ခွန်စိုက်လုပ်နေချိန်မှာ အချိန်တော်တော်ကြာ ဆက်လက်လုပ်ဆောင်နိုင်ရန် အတွက် ကြွက်သားတွေရဲ့ စွမ်းဆောင်ရည်ကို ပိုတိုးတက်စေပါတယ်။

- နှလုံးနှင့် အဆုတ်တွေရဲ့ ခံနိုင်ရည်စွမ်းအားအတွက် လေ့ကျင့်ခြင်း - လှုပ်ရှားမှုတွေ လုပ်ဆောင်နေစဉ်မှာ နှလုံးကျန်းမာရေးပိုကောင်းလာအောင်၊ သွေးစီးဆင်းခြင်းတွေ ကောင်း ကောင်းအလုပ်လုပ်နိုင်အောင်နှင့် ကြွက်သားရဲ့ ထောက်ပံ့ပေးနိုင်မှုကို တည်မြဲနေနိုင်အောင် ကူညီပေးပါတယ်။ ဖိအားမရှိဘဲ လုပ်ငန်းဆောင်တာတွေကို လုပ်ဆောင်နေလားဆိုတာကိုတော့ သေချာအောင် စစ်ဆေးပါ။

Resistance (ရုန်းကန်နိုင်စွမ်းရှိခြင်း)

 ကြွက်သားများကို ဖိအားမရှိဘဲ ကြွက်သားထု၊ ကြွက်သားတွေရဲ့ အင်အားနှင့် ကြွက်သားတွေရဲ့ ခံနိုင်အားတွေကို ပိုတိုးအောင် မြှင့်တင်ပြီး လေ့ကျင့်ပါ။ ခံနိုင်ရည်အားကို လေ့ကျင့်တဲ့နေရာမှာ မရှိမဖြစ်လိုအပ်တဲ့ ရုန်းကန်နိုင်စွမ်းအား လေ့ကျင့်ခြင်းပုံစံ ၃ မျိုးရှိပါတယ်။

- Isotonic Resistance - အလေးတစ်ခုကို မတဲ့အချိန်မှာ လှုပ်ရှားမှုတစ်ခုရဲ့နှုန်းကို ပုံသေထိန်းထားပြီး လေ့ကျင့်တဲ့နည်းကို ခေါ်ခြင်းဖြစ်ပါတယ်။ အဲဒီလေ့ကျင့်ခြင်းမှာတော့ လုပ်နေကျစွမ်းအင်ကို လေ့ကျင့်တဲ့ လေ့ကျင့်ခန်းတွေ ပါဝင်ပြီးတော့ ဝိတ်တုံးတွေ ပါဝင်မှာ ဖြစ်ပါတယ်။ အလေးတုံးတစ်ခုနဲ့ လေ့ကျင့်တဲ့အချိန်မှာ လှုပ်ရှားမှုနှုန်းကို အပြည့်ယူပြီး ကြွက်သားတွေရဲ့ တင်းအားကို မြှင့်တင်လိုက်ရင် ခန္ဓာကိုယ်ရှိ ကြွက်သားတွေရဲ့ အရှည်ကိုလည်း ပြောင်းလဲနိုင်စွမ်းရှိပါတယ်။ ဥပမာ- ပခုံးကျယ်နေတာကို ကျဉ်းသွားအောင် လေ့ကျင်ခြင်း၊ ထိုင်ထပြုလုပ်တဲ့ လေ့ကျင့်ခန်း၊ တန်းခိုခြင်း လေ့ကျင့်ခန်းများနှင့် လက်မောင်းကြွက်သားများအတွက် အလေးမတင်ခြင်း လေ့ကျင့်ခန်းများ ပါဝင်ပါတယ်။

- Isometric Resistance - ဒီလေ့ကျင့်ခြင်းမှာ Isotonic Resistance နဲ့ မတူတာက လှုပ်ရှားမှုတွေ မပါဝင်ဘူး။ မလှုပ်ရှားဘဲ ခံနိုင်ရည်အားကို ကျင့်ယူရတာတွေရှိမယ်။ ကြွက်သားတွေရဲ့အလျားကို ပြောင်းလဲခြင်းမရှိဘူး၊ အရိုးအဆစ်တွေရဲ့ လှုပ်ရှားမှုတွေကိုမမြင်ရဘဲ ကြွက်သားထုကို တိုးလာအောင် ပြုလုပ်တဲ့ လေ့ကျင့်ခန်းဖြစ်ပါတယ်။ ဒီလေ့ကျင့်ခြင်းမှာ ကြမ်းပြင်၊ နံရံကိုသုံးပြီး လေ့ကျင့်တာတွေ ပါဝင် ပါတယ်။ ဥပမာ - နံရံမှီပြီး တစ်ဝက်ထိုင်ခြင်း (Wall Sit)၊ ကြမ်းပြင်မှာ လက်တစ်ဖက်ထောက် ခန္ဓာကိုယ်ကို တစောင်းထားပြီး လေ့ကျင့်ခြင်း (Side Bridge)၊ ကြမ်းပြင်ကို မျက်နှာမူပြီး ခြေဖျားထောက်၊ တံတောင်ထောက်ပြီး လေ့ကျင့်ခြင်း (Plank)။

- Isokinetic Resistance - တည်မြဲနေတဲ့ လှုပ်ရှားမှုတွေနဲ့အတူ ခံနိုင်ရည်အားအမျိုးမျိုးကို လေ့ကျင့်ခြင်း ဖြစ်ပါတယ်။ လူတစ်ယောက်ကို ခံနိုင်ရည်အား (သို့) အလေးချိန်ပေါ်ကို မူတည်ပြီးတော့ တည်မြဲတဲ့အမြန်နှုန်းနဲ့ ကစားခိုင်းတာကို ဆိုလိုတာဖြစ်ပါတယ်။ စက်ဘီး (သို့) ပြေးစက်တွေလိုမျိုး အားကစားစက်ပစ္စည်းတွေ ပါဝင်နိုင်တယ်။ အဲဒီစက်ပစ္စည်းတွေက လှုပ်ရှားမှုတွေရဲ့ အဆင့်တိုင်းကို ညီညီညာညာလေး လှုပ်ရှားမှုရစေပါတယ်။ဥပမာအနေနဲ့ ပြောရမယ်ဆိုရင် စက်ဘီးကို စစချင်း စီးနေတဲ့အချိန်မှာ ခံနိုင်ရည်ရှိဖို့က တော်တော်လေးကို ခက်ခဲတယ်ဆိုပေမယ့် စီးလာတာကြာပြီး ခံနိုင်ရည်အားလည်း များလာပြီ၊ လှုပ်ရှားမှုတွေက အတည်တကျဖြစ်လာ ပြီဆိုရင်တော့ ခြေထောက်တွေရဲ့ အမြန်နှုန်းတွေကလည်း တည်မြဲလာမှာဖြစ်ပါတယ်။ လှုပ်ရှားမှုတွေရဲ့ အမြန်နှုန်းနဲ့ ကြွက်သားတွေရဲ့ အားကို ပြောင်းလဲစေပါတယ်။

 ကစားနေချိန်မှာ အလေးချိန်ကို မြှင့်တင်လိုက်ပြီး အခေါက်ရေနည်းနည်းနဲ့ လုပ်ရင်တောင် အားအင်တွေတိုးလာမှာ ဖြစ်ပါတယ်။ အလေးပေါ့ပေါ့လေးနဲ့ အခေါက်ရေများများ လေ့ကျင့်ရင် ခံနိုင်ရည်အားတွေ တိုးလာမှာ ဖြစ်ပါတယ်။ ဒါကြောင့် ဒီလေ့ကျင့်ခြင်းနည်း ၂ မျိုးစလုံးက သင့်အားကစားနည်းအတွက် အရေးကြီးတဲ့ပုံစံတွေပဲ ဖြစ်ပါတယ်။ ခံနိုင်ရည်အားအတွက် လေ့ကျင့်ခြင်းတွေမှာ လေ့ကျင့် ချိန်များများနဲ့ အခေါက်ရေများများလုပ်ရင် လုပ်သလောက် ခန္ဓာကိုယ်ထဲက ကယ်လိုရီတွေကို လောင်ကျွမ်းလာတာကိုလည်း တွေ့မြင်ရမှာဖြစ်ပါတယ်။ ခံနိုင်ရည်အားအတွက် လေ့ကျင့်ခြင်းနည်းတွေက ကယ်လိုရီတွေ လောင်ကျွမ်းနေတဲ့အချိန်မှာ တစ်ချိန်တည်း ကြွက်သားတွေကလည်း သန်စွမ်းလာမှာဖြစ်ပါ တယ်။ အရေးကြီးတာတွေကတော့ လေ့ကျင့်နေချိန်မှာ မတူညီတဲ့ လေ့ကျင့်ခြင်းနည်းတွေ ပါဝင်ဖို့နဲ့ လေ့ကျင့်ခန်းတစ်ခုစီမှာလည်း ရောပြီး ကစားပေးမယ်ဆိုရင် ကောင်းကျိုးတွေ များများရရှိနိုင်မှာ ဖြစ်ပါတယ်။

www.emilyskye.com

ဆုမြတ်ဦး

For Sports and Fitness Magazine