Japanese Fried Rice with Omelette

on

 Japanese Fried Rice with Omelette



Sports and Fitness ပရိသတ်ကြီး မင်္ဂလာပါ။ ဒီလမှာတော့ တစ်ပွဲတည်းနဲ့ အဆင်ပြေစေမယ့် ထမင်းကြော်လေးကို လုပ်ပြထားပါတယ်။ ဆုမြတ်ကတော့ ထမင်းတွေ၊ ဟင်းတွေ အများကြီးချက်နေရတာထက် တစ်ခါတည်းပြီးမယ့် ထမင်းကြော်လေးတွေ လုပ်ရတာကို ပိုသဘောကျပါတယ်။ အာဟာရဓာတ်တွေကလည်း တစ်ပွဲတည်းနဲ့ အကုန်ပြီးပြည့်စုံတယ်လေ။ ဒီလအတွက်ကတော့ ဂျပန်ထမင်းကြော်လေး လုပ်ပြထားပါတယ်နော်။ ဒီထမင်းကြော်လေးကတော့ ၂၀ ရာစုနှစ် ဂျပန်နိုင်ငံ တိုကျိုမြို့ရဲ့ ဥရောပစားသောက်ဆိုင်လေးက စတင်တီထွင်လိုက်တာ ဖြစ်ပါတယ်။ ကိုရီးယား၊ တရုတ်နိုင်ငံတွေမှာ အရမ်းလူကြိုက်များတဲ့ ထမင်းကြော်လေးဖြစ်ပြီးတော့ ဂျပန်နိုင်ငံမှာဆိုရင် ကလေးတွေက ပိုကြိုက်နှစ်သက်ကြတယ်လို့ သိရပါတယ်။ ဒီဟင်းလျာလေးကတော့ ပုံမှန်အနေနဲ့ ခရမ်းချဉ်သီးအနှစ်၊ ကြက်သားနဲ့ကြော်ပြီး ကြက်ဥကြော်နဲ့ ထမင်းကြော်ကို ပြန်ထုပ်တာဖြစ်ပါတယ်။ လုပ်ရတာ အရမ်းလွယ်ကူတာကြောင့် လုပ်ကြည့်လိုက်ကြရအောင်နော်။ 

◘ ပါဝင်ပစ္စည်းများ

ထမင်း - ပန်းကန်လုံး ၁ လုံး

မုန်လာဥနီ - ၅၀ ဂရမ်

ပြောင်းဖူး - ၅၀ ဂရမ်

ကြက်သွန်နီ - ၁ လုံး

ပဲစိမ်းလုံး - ၅၀ ဂရမ်

ကြက်သား - ၁၀ဝ ဂရမ်

ကြက်သွန်ဖြူ - အနည်းငယ် (နုပ်နုပ်စဉ်း)

ဆီ - စားပွဲဇွန်း ၃ ဇွန်း

ကြက်ဥ - ၂ လုံး

ဂျပန်ပဲငံပြာရည်အကြည် - စားပွဲဇွန်း ၁ ဇွန်း

Dishi အမှုန့် - လက်ဖက်ရည်ဇွန်း ၁/၂ ဇွန်း

သကြား - လက်ဖက်ရည်ဇွန်း ၁/၂ ဇွန်း

ငရုတ်ကောင်းမှုန့် - လက်ဖက်ရည်ဇွန်း၁/၂ဇွန်း

ခရမ်းချဉ်သီးအနှစ် - စားပွဲဇွန်း ၁ ဇွန်း (Tomato Ketchup)

ခရုဆီ - စားပွဲဇွန်း ၁ ဇွန်း

ကြက်သွန်မြိတ်

◘ ပြုလုပ်နည်းအဆင့်ဆင့်

၁။ မုန်လာဥနီ၊ ကြက်သွန်နီကို အတုံးသေးသေးလေးတွေ တုံးထားပါ။ ပြောင်းဖူးကို အစေ့ခြွေထားပါ။ ဒယ်အိုးထဲမှာ ဆီထည့်ပြီး ကြက်သွန်ဖြူ နုပ်နုပ်စဉ်းကို ဆီသတ်ပါ။ ကြက်သားထည့်ပြီး အနည်းငယ်ကျက်အောင် ကြော်ပါ။ မုန်လာဥနီ၊ ကြက်သွန်နီ၊ ပြောင်းဖူး၊ ပဲစိမ်းလုံး ထည့်ပါ။

၂။ ထမင်းထည့်ပြီး အရသာများထည့်ပြီး ကြော်ပေးပါ။ ကြက်ဥ ၂ လုံးကို ဆား၊ ငရုတ်ကောင်းမှုန့် အနည်းငယ်နဲ့ ခေါက်ပြီး အပြားရအောင် ကြော်ထားပါ။ ပန်းကန်လုံးတစ်လုံးထဲကို ကြက်ဥကြော်ထားတာ ဖြန့်တင်ထားပါ။ အပေါ်မှ ထမင်းကြော်ကိုဖြည့်ပြီး ကြက်ဥနဲ့ ပြန်အုပ်ပေးပါ။

၃။ ပြင်ဆင်ရန်အတွက် နောက်ဆုံးမှာ ပန်းကန် ပြားတစ်ချပ်ထဲကို ထမင်းကြော်နဲ့ ကြက်ဥအုပ်ထားတာကို မှောက်ချလိုက်ပါ။ အပေါ်ကနေ ကြက်ဥကို ဓားလေးနဲ့ခွဲပြီး ပြင်ဆင်လိုက်ရင် ရပါပြီ။

◘ ရရှိမည့် အာဟာရဓာတ်ပမာဏ (တစ်ယောက်စာ)

ကယ်လိုရီ - ၅၂၀

အဆီ - ၁၉ ဂရမ်

ပရိုတင်း - ၁၉.၅၉ ဂရမ်

ကာဘိုဟိုက်ဒရိတ် - ၆၇.ဝ၄ ဂရမ်

ဆိုဒီယမ် - ၆၈၃ မီလီဂရမ်

အမျှင်ဓာတ် - ၄ ဂရမ်

သကြားဓာတ် - ၈ ဂရမ်

ကိုလက်စရော - ၄၁၇ မီလီဂရမ်

ဗီတာမင် A, C

ကယ်စီယမ်၊ သံဓာတ်



ဆုမြတ်ဦး

For Sports and Fitness Magazine



I love food and I want to share with you my favourite food. I making food and write recipes about it online. So lucky to meet you here! About Me My name is Hsu Myat Oo and I am Myanmar who love to cook and bake. Kitchen jungle by Hsu is a cooking and baking blog started from 2020. Cooking and baking is one of my hoppy. When I finished my degree, I attended diploma class majoring in food technology. After I finished my diploma, I attended a lot of cooking class and baking class. And I also interested in making juices and coffee, so I attended barista class. I started to work in better day media and I work for Food Magazine and Sport and Fitness Magazine. I worked in Food Magazine Myanmar as a food editor and food writer in 2016. I worked in Sport and Fitness Magazine Myanmar as a food editor and food writer in 2018. In 2019, I quit from Better Day Media and I started my own job. I opened my restaurant in July, 2019. But I keep writing recipes and food knowledge sharing content from my pages. If you want to read more articles, recipes and food knowledge sharing contents in Myanmar and English version, please follow my facebook, pinterest, instagram and youtube.

Comments

Post a Comment