အစားအသောက်တွေကနေ ကိုလက်စရောကို လျော့ချကြမယ်။

အစားအသောက်တွေကနေ ကိုလက်စရောကို လျော့ချကြမယ်။

အစားအသောက်ထဲမှာ ကိုလက်စရောမြင့်တယ်ဆိုရင် ခန္ဓာကိုယ်ထဲ ၀င်ရောက်တဲ့ ကျန်းမာရေးနဲ့မညီတဲ့အဆီတွေ၊ ပြည့်ဝဆီတွေများလာနိုင်တာကြောင့် စားသောက်နေတဲ့ အစားအသောက်တွေကနေ ထိန်းပြီးစားဖို့က အရမ်းအရေးကြီးပါတယ်။

အာလူးချောင်းတွေ၊ ကြက်ကြော်တွေမှာ စားလိုက်ရင် ဘယ်လောက်ကယ်လိုရီပါပြီး၊ ဘယ်လောက်ကျန်းမာရေးတွေ ဆိုးသွားလောက်တယ် ဆိုတာတွေအထိ တိတိကျကျကြီး အာဟာရပညာရှင်တွေလို သိစရာမလိုပါဘူး။

ဆိုဒီယမ်နှင့် ပြည့်ဝဆီတွေ အများကြီးပါတာကြောင့် သွေးတွင်းကိုလက်စရောအဆင့်ကို မြင့်တက်စေပြီး နှလုံးရောဂါဖြစ်စေပါတယ်။ အစားအသောက်တော်တော်များများမှာ တိရစ္ဆာန်တွေဆီကနေ ရထားတာကြောင့် ပြည့်ဝဆီများနှင့် ပြောင်းလဲထားတဲ့အဆီတွေ အများကြီးပါ၀င်ပါတယ်။ တစ်ရက်မှာ ၂၀၀၀ကယ်လိုရီစားရမယ်ဆိုရင် ပြည့်ဝဆီက ၁၁မှ ၁၃ဂရမ်ထိစားသုံးနိုင်ပြီး အဲ့ထက်မပိုသင့်ပါဘူး။

• ကိုလက်စရောမျှချေညီနေအောင် မနက်စာကို ကြက်ဥပါအောင်စားပါ။ ကြက်ဥဟာ ကျန်းမာရွေးချယ်မှုတစ်ခုအဖြစ် စဉ်စားလာတဲ့အချိန်မှာ မနက်စာကို ကြက်ဥပါအောင်စားပါ။ တပတ်အတွင်းမှာ ကြက်ဥ၁၂လုံးစားခဲ့တယ်ဆိုရင်တောင် နှလုံးကျန်းမာရေးနှင့် ဆီးချို၊ သွေးချိုမဖြစ်စေပါဘူး။

• ရေခဲမုန့်မှာ ဟန်ဘာကာနှင့် ဒိုးနပ်တွေထက်ကို အဆီ၂ဆပါ၀င်ပါတယ်။ ဒါ့ကြောင့်ရေခဲမုန့်စားတာထက် လတ်လတ်ဆတ်ဆတ်အသီးတစ်ခွက်ကိုပဲ စားပေးပါ။ အသီးတွေမှာက ကိုလက်စရောနည်းပြီး အမျှင်ဓာတ်၊ ဗီတာမင်နှင့် အာဟာရဓာတ်တွေ ပြည့်ဝစွာပါ၀င်တာကြောင့် အချိုတည်းမယ်ဆိုရင် ရေခဲမုန့်ထက် အသီးစားပေးပါနော်။

• ကြက်သားက ချက်ပြုတ်စားတဲ့အပေါ်မှာ မူတည်ပြီး အဆီနည်းနည်းနဲ့ ကောင်းတဲ့အသားတစ်ခုအဖြစ် ရွေးချယ်စရာတစ်ခုဖြစ်လာမှာပါ။ ဥပမာပြောရရင် ကြက်အရေခွံပါတဲ့ ကြက်ကြော်တစ်ခုက ဟန်ဘာကာတစ်ခုထက်ကို အဆီပိုများပါတယ်။ ဆီအများကြီးနဲ့ နှစ်ကြော်ထားတဲ့ ကြက်ကြော်က ကိုလက်စရောအများကြီးပါပြီး ကျန်းမာရေးအတွက် မကောင်းပါဘူး။