ဝမ်းဗိုက်မှာ အလေးချိန်၊ အဆီတွေ တက်လာခြင်းက ပြဿနာတစ်ခုပါပဲ။

 ဝမ်းဗိုက်မှာ အလေးချိန်၊ အဆီတွေ တက်လာခြင်းက ပြဿနာတစ်ခုပါပဲ။

ဝမ်းဗိုက်မှာ အလေးချိန်တက်လာခြင်းဆိုတာက ဝမ်းဗိုက်မှာ ကျန်းမာရေးနဲ့ မညီညတ်တဲ့ အဆီတွေ သယ်ဆောင်နေ တယ်ဆိုတာကို ပြသနေတာ ဖြစ်ပါတယ်။ ခန္ဓာကိုယ်တွင်း အင်္ဂါများအတွင်းက အဆီတွေလို့ခေါ်ပြီးတော့ ဗိုက်ခေါက်အဆီတွေက ဝမ်းဗိုက်အတွင်းမှာ တော်တော်များများ စုနေပါတယ်။ ခန္ဓာကိုယ်တွင်း အင်္ဂါများအတွင်းက အဆီတွေက Cytokines လို့ခေါ်တဲ့ ဓာတုပစ္စည်းတစ်မျိုးကို ထုတ်လွှတ်ပေးပြီး နှလုံးကျန်းမာရေးကို ထိခိုက်စေနိုင်ပါတယ်။ ပုံမှန်ကိုယ်အလေးချိန်မှာရှိတဲ့ အဝလွန်ခြင်းက အမျိုးသားရော၊ အမျိုးသမီးမှာပါ နှလုံးရောဂါနှင့် နှလုံးနဲ့ပတ်သက်တဲ့ရောဂါများ ဖြစ်နိုင်ခြေများပြီး ဒီလိုရောဂါများကြောင့် သေဆုံးနိုင်ခြေက အမျိုးသမီးများမှာ ပိုဖြစ်နိုင်တယ်လို့ သိရပါတယ်။

ဝမ်းဗိုက်မှာ အဆီတွေ ဘာကြောင့်တက်လာတာလဲ။

၁။ အသက်အရွယ်ကြီးလာခြင်း။

အသက်အရွယ် ကြီးလာတာနဲ့အမျှ ခန္ဓာကိုယ်က အလေးချိန်တက်လာခြင်းနှင့် ကျဆင်းလာခြင်းတွေက ပြောင်းလဲလာပါတယ်။ အမျိုးသားနဲ့ အမျိုးသမီးမှာတောင် ဇီဝကမ္မ ဖြစ်ပျက်ပုံခြင်း ကွဲပြားကြပါတယ်။ အမျိုးသမီးတွေ ကိုယ်အလေးချိန် တက်လာပြီဆိုရင်တော့ ဝမ်းဗိုက်အဆီတွေက အဖြစ်နိုင်ဆုံးပါပဲ။ အမျိုးသမီးများ သွေးဆုံးပြီးလို့ ကိုယ်အလေးချိန်တက်လာတဲ့ အချိန်မှာလည်း ဝမ်းဗိုက်အဆီက အများဆုံးတက်တာပါ။

၂။ လေ့ကျင့်ခန်းတွေ မှားယွင်းနေခြင်း။

နေ့စဉ် ပြေးခြင်း (သို့) စက်ဘီးစီးတဲ့ လေ့ကျင့်ခန်းတွေက နှလုံးကျန်းမာရေးအတွက် အရမ်းကိုကောင်းမွန်ပါတယ်။ ဒါပေမဲ့ သင်က ဝမ်းဗိုက်က အဆီတွေကို ကျဆင်းချင်တာဆိုရင်တော့ ဒီလေ့ကျင့်ခန်းတွေက မသင့်တော်ပါဘူး။ နှလုံးနှင့် အဆုတ်ကို သန်စွမ်းအောင် လေ့ကျင့်တဲ့ လေ့ကျင့်ခန်းတွေကို အလေးမတဲ့ လေ့ကျင့်ခန်းတွေနဲ့ တွဲပြီး လုပ်ပေးသင့်ပါတယ်။ အင်အားနဲ့ လေ့ကျင့်ရတဲ့ လေ့ကျင့်ခန်းတွေက ကြွက်သားထုကို တက်လာစေပြီး ခန္ဓာကိုယ်က အဆီတွေကို ကျဆင်းစေပါတယ်။ ကြွက်သားတွေက ကယ် လိုရီတွေထက်စာရင် အဆီတွေကို ပိုလောင် ကျွမ်းစေပါတယ်။ ဒါကြောင့် ကြွက်သားထု တက်လာလေလေ အဆီတွေ ပိုလောင်ကျွမ်းလေလေ ဖြစ်ပါတယ်။

၃။ ပြုပြင်ထားတဲ့ အစားအသောက်များကို အလွန်အကျွံစားမိခြင်း။

ပေါင်မုန့်ဖြူ၊ ဘီစကွတ်၊ အာလူးချောင်းကြော်များ၊ သကြားအများအပြားပါဝင်တဲ့ အချိုရည်များ၊ သရေစာများ၊ အချိုပွဲများကို အလွန်အကျွံစားမိတာက ခန္ဓာကိုယ်ကို ရောင်ရမ်းပြီး ဖောလာစေပါတယ်။ ဝမ်းဗိုက် အဆီတွေက ရောင်ရမ်းခြင်းတွေနဲ့ ဆက်နွယ်နေပါတယ်။

၄။ ကျန်းမာရေးနဲ့ ညီညွတ်အောင် မစားသုံးခြင်း။

ပိန်ပါးတယ်ဆိုတာက ကယ်လိုရီတွေ အများကြီးကို စားသုံးတာမဟုတ်တာကြောင့်ပါ။ ဒါကြောင့် ဝိတ်တွေတော့ အများကြီး မတက်သွားဘူး။ သို့သော်လည်း စားလိုက်မိတဲ့ ကယ်လိုရီတွေကို ခန္ဓာကိုယ်က ကျန်းမာတဲ့ဘက်ရောက်အောင် ထိန်းသိမ်းထားလား၊ မထိန်းသိမ်းထားဘူးလားဆိုတဲ့အပေါ် မူတည်ပါတယ်။ အသင့်ထုပ်ပိုးထားတဲ့ အစားအသောက်များ၊ အသင့်စားအစားအသောက်များနှင့် ပြည့်ဝဆီတွေနဲ့လုပ်ထားတဲ့ အစားအစားများကို အလွန်အကျွံစားမိပြီဆိုရင်တော့ ဝမ်းခေါက်တွေကတော့ ထွက်လာမှာပါပဲ။ နေ့စဉ်စား သောက်နေတဲ့ပုံစံထဲကို လတ်ဆတ်တဲ့ ဟင်းသီးဟင်းရွက်များ ပါဝင်အောင် စားသောက်သင့်ပါတယ်။ ပြန်လည်ပြုပြင်ထားတဲ့ ကာဘိုဟိုက်ဒရိတ်တွေကို ရှောင်ကြဉ်ပါ။

၅။ စိတ်ဖိစီးမှုများလာခြင်း။

သင့်ကလေး၊ အခွန်အခတွေ၊ လုပ်ငန်းဆောင်တာတွေ စတာတွေက စိတ်ဖိစီးမှုတွေရဲ့ အရင်းအမြစ်တွေပါပဲ။ စိတ်ဖိစီးမှု များလာ တာနဲ့အမျှ မလိုအပ်တဲ့ အဆီတွေ ရလာနိုင်တယ်ဆိုရင်တော့ အံ့ဩသွားပါလိမ့်မယ်။စိတ်ဖိစီးတဲ့ ဟော်မုန်းတစ်ခုဖြစ်တဲ့ Cortisol တက်လာတာနဲ့ ခန္ဓာကိုယ်က အဆီပမာဏ တက်လာပြီးတော့ အဆီဆဲလ်တွေကလည်း ပိုမိုကြီးမားလာပါတယ်။ Cortisol ပမာဏ များလာလေလေ အဆီတက်လာတဲ့ ပမာဏ များလာလေလေ ဖြစ်ပါတယ်။

၆။ ကောင်းကောင်းမအိပ်စက်ဘူး။

အိပ်ချိန် ၆ နာရီထက် နည်းလာပြီဆိုရင် ခါးဆိုဒ်ကလည်း တက်လာမှာဖြစ်ပါတယ်။ သိပ္ပံ ပညာစမ်းသပ်ချက်တွေအရ ယနေ့ခေတ် အမျိုးသမီးတော်တော်များများက အိပ်ချိန် ၅ နာရီနဲ့ ဒီထက်လျော့နည်းနေတယ်လို့ သိရှိရပါတယ်။ ဒီလိုအိပ်ရေးပျက်တာတွေက ကိုယ်အလေးချိန် ပေါင် ၃၀ နဲ့ ပေါင် ၃၀ အထက် တိုးလာနိုင်ခြေရှိတယ်လို့ သိရှိရပါတယ်။

၇။ ခန္ဓာကိုယ်က ပန်းသီးပုံသဏ္ဌာန်ရှိခြင်း။

ကိုယ်အလေးချိန် တော်တော်များများက ခါးနဲ့ တင်ပါးမှာ အများဆုံးဖြစ်နေတယ်ဆိုရင် သင်က ပန်းသီးပုံသဏ္ဌာန်ရှိတဲ့ ခန္ဓာကိုယ်ပိုင်ရှင်ပါ။ ဒီလို ခန္ဓာကိုယ်ပုံသဏ္ဌာန်ရှိသူတွေက တခြားသူတွေထက် ဝမ်းဗိုက်အဆီ ပိုစုနိုင်ခြေ ရှိပါတယ်။

၈။ တက်တက်ကြွကြွမရှိခြင်း။

ဝမ်းဗိုက်အဆီတွေကို လျော့ကျစေချင်ပါသလား။ ဝမ်းဗိုက်အဆီတွေကို လျော့ကျစေဖို့အတွက် ကယ်လိုရီများပြီး အမျှင်ဓာတ်များတဲ့ အစားအစာများနှင့် ကာဘိုဟိုက်ဒရိတ်နည်းတဲ့ အစားအစာများ၊ သကြားနည်းတဲ့ အစားအစာများကို နေ့စဉ်စားပေးရရုံသာမက နှလုံးနှင့် အဆုတ်ကို သန်စွမ်းအောင် လေ့ကျင့်တဲ့ လေ့ကျင့်ခန်းများနှင့် လေ့ကျင့်ခန်းတွေကို အလေးမတဲ့ လေ့ကျင့်ခန်းတွေကို တွဲပြီး လေ့ကျင့်ပေးပါ။

လေ့ကျင့်ခန်းများပြုလုပ်ခြင်းက ဗိုက်ခေါက်အဆီတွေကို လျော့ကျစေတယ်။

ဗိုက်ခေါက်အဆီတွေကို လေ့ကျင့်ခန်းတွေလုပ်ပြီး လျှော့ချနိုင်ပါတယ်။ ပိန်တဲ့သူတွေက ကိုယ်အလေးချိန်လျှော့ချဖို့ မဟုတ်ရင်တောင် လေ့ကျင့်ခန်းလုပ်ဖို့ လိုအပ်ပါတယ်။ မှန်ကန်တဲ့ လေ့ကျင့်ခန်းတွေက ကြွက်သားတွေကို လိုချင်တဲ့ခန္ဓာကိုယ်အရွယ်အစားမှာ တည်ရှိနေစေပြီး အချိုးအစားလှပတဲ့ ခန္ဓာကိုယ်တည်ဆောက်ပုံကို ရရှိစေပါတယ်။ ကျန်းမာတဲ့ ဘဝနေထိုင်မှုမှာ ရှိနေစေပြီး စမတ်ကျတဲ့ သွင်ပြင်ကို ရရှိစေပါတယ်။

ဘယ်လိုလေ့ကျင့်ခန်းတွေ လုပ်လို့ရသလဲဆိုတာ ကြည့်လိုက်ကြရအောင်။

ပုံနှင့်တကွ ဖော်ပြထားပါသည်။

၁။ V-Ups

ကြမ်းပြင် (သို့) ဖျာပေါ်မှာ ပက်လက်အနေအထားနဲ့ လဲလျောင်းပေးပြီး လက်တွေကို ဖြည်းဖြည်းချင်း ဒူးနဲ့ထိခါနီးတဲ့အထိ မြှင့်ပြီး ခန္ဓာကိုယ်ကို (V) အနေအထားရအောင် ထားပါ။ ဝမ်းဗိုက်ကြွက်သားကို ညှစ်ထားပြီး ကျောရိုးမကို အားပြု၍ ဟန်ချက်ညီအောင် ထားပါ။ ဒီလေ့ကျင့်ခန်းလေးကို မိနစ်တော်တော်ကြာ ထိန်းထားပေးပြီး လေ့ကျင့်ပါ။

၂။ Bicycles

ဝမ်းဗိုက်သားအတွက် အရမ်းကို ထိရောက်မှုရှိတဲ့ လေ့ကျင့်ခန်းတွေထဲက နံပါတ် (၁) ဖြစ်ပါတယ်။ လှုပ်ရှားမှုတိုင်းကို မြန်မြန်လေ့ကျင့်တာမျိုး မဖြစ်စေဖို့ သတိထားပါ။ တစ်ချက်စီတိုင်းကို ဖြည်းဖြည်းလေး သွားပေးပါ။ ခြေထောက်တစ်ဖက်စီကို ၃၅ ခေါက်စီနဲ့ ၃ ပြန်ကျော့နဲ့ အရင်ဆုံး ကစားပေးပါ။ တစ်ဖက်ကို အခေါက်ရေ ၅၀ နဲ့ ကစားနိုင်အောင်အထိ ကြိုးစားပါ။

၃။ Russian Twists

ဒီလေ့ကျင့်ခန်းကို ကစားတဲ့သူတွေ အများဆုံးမှားတာက ကစားနေစဉ်မှာ နောက်ကျောကို ဖြောင့်ဖြောင့်မထားခြင်း ဖြစ်ပါတယ်။ နောက်ကျောကို ဖြောင့်နိုင်သမျှ ဖြောင့်အောင်ထားပေးပြီး ကစားနေရင်း နောက်ကျော ပြန်မကုန်းသွားအောင် ထိန်းထားပါ။ သေချာချင်တယ်ဆိုရင်တော့ မှန်ရှေ့မှာ လေ့ကျင့်တာ ကောင်းပါတယ်။ ခြေထောက်မြှောက်ပြီး လက်ကို ဘယ်၊ ညာ လွှဲကာ ကစားပေးပါ။ ခြေထောက်မြှောက် ဖို့ အဆင်မပြေသေးဘူးဆိုရင် ခြေထောက်ပြီး ကြမ်းပြင်ပေါ်ချထားကာ ကစားလည်း ရပါတယ်။ လွယ်ကူလာပြီလို့ ခံစားလာရပြီဆိုရင် ခြေထောက်ကိုမြှောက်ပြီး လက်မှာ ၅ ပေါင်ကနေ ၁၀ အထိ အလေးကို ကိုင်ပြီး ကစားပေးပါ။ အကြိမ်ရေ ၂၀ ကို ၃ ကျော့ ပြန်ကစားပေးပါ။ (ဖြည်းဖြည်းချင်း ကစားပေးပါ။

၄။ Toe Touch Crunches

ဒီလေ့ကျင့်ခန်းလေးကတော့ ဝမ်းဗိုက်အောက်ပိုင်းရော၊ အပေါ်ပိုင်းပါ ထိရောက်မှုကို ခံစားရမှာ ဖြစ်ပါတယ်။ ကြမ်းပြင် (သို့) ဖျာပေါ်မှာ လှဲပြီး ခြေထောက်တွေကို အပေါ်ပိုင်းကို မြှောက်ထားပါ။ နောက်ကျောအောက်ပိုင်းကိုတော့ ကြမ်းပြင်ပေါ်မှာပဲ ကပ်ထားပါ။ လက်တွေနဲ့ ခြေချောင်းလေးတွေကို ရအောင်ထိပေးပြီး ကြမ်းပြင်ပေါ်ကို နောက်ကျောကို ပြန်ချပေးပါ။ ဒီလေ့ကျင့်ခန်းလေးကိုတော့ တစ်မိနစ်အတွင်းမှာ အကြိမ်ရေ ရနိုင်သမျှ ရအောင် လေ့ကျင့်ပေးပါ။

၅။ Supermans

နောက်ကျောကလည်း ကျောရိုးမရဲ့ အစိတ်အပိုင်းတစ်ခုဖြစ်တာကြောင့် လျစ်လျူမရှုထားသင့်ပါဘူး။ ကြမ်းပြင် (သို့) ဖျာပေါ်မှာ ဝမ်းလျားမှောက်ထားပါ။ လက်တွေနဲ့ ခြေထောက်တွေကို တစ်ပြိုင်နက်တည်း စက္ကန့် ၃၀ လောက် ရအောင်မြှောက်ထားပါ။ လေ့ကျင့်ရတာ လွယ်ကူလာပြီဆိုရင်တော့ ၁ ကြိမ် တိုင်းအတွက် ၁ မိနစ်စီ ကြာအောင်ထားပါ။ အကြိမ်ရေ ၁၀ စီကို ၄ ကျော့ပြန် လေ့ကျင့်ပါ။

၆။ Jumping Planks

ကြမ်းပြင်ပေါ်မှာ လက်ထောက်၊ ခြေဖျားထောက် အနေအထားနဲ့ အရင်ဆုံး စပေးပါ။ ခြေဖျားတွေကို တစ်ပြိုင်နက်တည်း တစ်ဖက်ကို လှဲခုန်ပေးပါ။ ဘယ်နှင့် ညာကို တစ်လှည့်စီ ပြောင်းပြောင်းပြီး လွှဲခုန်ပေးပါ။ လေ့ကျင့်ခန်း လုပ်နေတဲ့အချိန်မှာ ဝမ်းဗိုက်ကို ညှစ်ထားပါ။ ၁ မိနစ်အတွင်း လုပ်နိုင်သမျှ များများလေ့ကျင့်ပါ။

၇။ Toe Touch Variation

ကြမ်းပြင် (သို့) ဖျာပေါ်မှာ လဲလျောင်းတဲ့ အနေအထားနဲ့ စတင်ပါ။ လက်တစ်ဖက်ကို မြှောက်ပြီး တစ်ချိန်တည်းမှာ ဆန့်ကျင်ဘက် ခြေထောက်ကို လှမ်းထိပါ။ ဒီလိုကစားနေတဲ့အချိန်မှာ တစ်ဖက်က ခြေထောက်ရဲ့ ဒူးကို ကွေးထားပြီး ဝမ်းဗိုက်ကိုလည်း ညှစ်ထားပေးပါ။ ဘယ်၊ ညာ လွှဲပြီး လေ့ကျင့်ပါ။ တစ်မိနစ်အတွင်း အကြိမ်ရေ ရနိုင်သမျှ ရအောင် လေ့ကျင့်ပါ။

၈။ Classic Crunches

ဒီလေ့ကျင့်ခန်းလေးတွေ ဘယ်လိုဆော့ရမယ်ဆိုတာ လူတိုင်း နားလည်မယ်လို့ ထင်ပါတယ်။ ဦးခေါင်းကို မတင် တဲ့အချိန်မှာတော့ ဝမ်းဗိုက်ကို သေချာညှစ်ထားပေးပါ။ တစ်ခေါက်နဲ့ တစ်ခေါက် မြန်မြန်လေ့ကျင့်ခြင်းထက် ဖြည်း ဖြည်းလေး လေ့ကျင့်တာက ပိုပြီးအကျိုးသက်ရောက်မှုကို ရရှိစေပါတယ်။ တစ်မိနစ်အတွင်း အကြိမ်ရေ ရနိုင်သမျှ ရအောင် လေ့ကျင့်ပါ။

https://avocadu.com/exercises-to-lose-

belly-fat/

ဆုမြတ်ဦး

For Sports and Fitness Magazine